Qazax rayonunda ağır yol qəzası baş verib.

“Report” xəbər verir ki, hadisə rayonun Çaylı kəndində qeydə alınıb.

Avtomobil qəzası zamanı Çaylı kənd sakinləri, 2001-ci il təvəllüdlü H.Rzayev və 2002-ci il təvəllüdlü S.Əliyev müxtəlif bədən xəsarətləri alıblar.

Hər ikisi xəstəxanaya yerləşdirilib, vəziyyətləri kafi qiymətləndirilir.

Qeyd edək ki, Çaylı kənd yolunda “VAZ-2107” markalı avtomobil idarəetmədən çıxıb, öncə yol kənarındakı ağaca çırpılıb, daha sonra isə aşıb.

Faktla bağlı araşdırma aparılır.