Tarix : 24-06-2020, 18:20 | Bölmə: tedbirler

Prezidentdən Gəncədə İdman Sarayı tikintisi ilə bağlı SƏRƏNCAMPrezident İlham Əliyev iyunun 24-də “Gəncə şəhərində İdman Sarayının tikintisi ilə bağlı əlavə tədbirlər haqqında” sərəncam imzalayıb.

AZƏRTAC xəbər verir ki, sərəncama əsasən, Gəncə şəhərində İdman Sarayının tikintisi işlərinin davam etdirilməsi məqsədilə Azərbaycan Respublikasının 2020-ci il dövlət büdcəsində nəzərdə tutulmuş Azərbaycan Respublikası Prezidentinin ehtiyat fondundan Gəncə Şəhər İcra Hakimiyyətinə üç milyon manat ayrılıb.

Həmçinin, dövlətimizin başçısının iyunun 24-də imzaladığı “Gəncə şəhərində İdman Sarayının tikintisi işlərinin davam etdirilməsi ilə bağlı əlavə tədbirlər haqqında” Sərəncama əsasən, Gəncə şəhərində İdman Sarayının tikintisi işlərinin davam etdirilməsi məqsədilə “Azərbaycan Respublikasının 2020-ci il dövlət büdcəsində dövlət əsaslı vəsait qoyuluşu (investisiya xərcləri) üçün nəzərdə tutulan vəsaitin bölgüsü”nün 1.53.3-cü yarımbəndində göstərilmiş məbləğin 3,8 milyon manatı Gəncə Şəhər İcra Hakimiyyətinə ayrılıb.

Oxşar xəbərlər