İki şəhər və bir rayonda pensiyaların ödənilməsi vaxtı AÇIQLANDI

Aprel ayında Bakı, Sumqayıt şəhərləri və Abşeron rayonu üzrə pensiyaların veriləcəyi tarix məlum olub.

Bu barədə Əmək və Əhalinin Sosial Müdafiəsi Nazirliyinin tabeliyindəki Dövlət Sosial Müdafiə Fondu (DSMF) məlumat yayıb.

Bildirilib ki, Bakı, Sumqayıt şəhərləri və Abşeron rayonu üzrə pensiyaların ödənilməsi aprel ayının 8-i tarixinə nəzərdə tutulur.

Qeyd edilib ki, güzəştli şərtlərlə pensiya hüququna malik pensiyaçılar istisnalıq təşkil edir.