Tarix : 13-11-2017, 14:21 | Bölmə: Sosial

Milli Məclis büdcə müzakirələrini YEKUNLAŞDIRDI



Azərbaycanın 2018-ci il üzrə dövlət və icmal büdcəsi layihələri parlamentin bütün komitələri tərəfindən qəbul olunaraq

Milli Məclisin plenar iclasına tövsiyə olunub.
Bu gün son 5 komitənin - Hüquq siyasəti və dövlət quruculuğu, İnsan hüquqları, Gənclər və idman, Regional məsələlər və Mədəniyyət komitələrinin birgə iclasında layihələr müzakirə edilərək səsə qoyulub və qəbul edilib.

Qeyd edək ki, noyabrın 7 və 8-də parlamentin İqtisadi siyasət, sənaye və sahibkarlıq komitəsi, İctimai birliklər və dini qurumlar komitəsi, Aqrar siyasət komitəsi, Müdafiə, təhlükəsizlik və korrupsiya ilə mübarizə komitəsi, Əmək və sosial siyasət komitəsi, Səhiyyə komitəsi, Ailə, qadın və uşaq məsələləri komitəsi, Təbii ehtiyatlar, energetika və ekologiya komitəsi, Elm və təhsil komitəsi və Beynəlxalq münasibətlər və parlamentlərarası əlaqələr komitəsinin birgə iclasında layihələr qəbul edilərək, plenar iclasa tövsiyə olunub.

Noyabrın 21, 22 və 23-də Milli Məclisin plenar iclasında büdcə zərfi müzakirəyə çıxarılacaq.

Mənbə: APA

Oxşar xəbərlər