Məktəblərin 4-cü və 6-cı siniflərində keçirilən monitorinqlərin nəticələri onu deməyə əsas verir ki, sertifikasiya imtahanlarında uğur qazanan müəllimlərin şagirdlərin nəticələrinə təsiri müsbətdir.

"Report" xəbər verir ki, bunu Məktəbəqədər və Ümumi Təhsil üzrə Dövlət Agentliyinin Ümumi təhsilin təşkili şöbəsinin müdir müavini Nurlan İsmayılbəyli deyib.

Onun sözlərinə görə, sertifikasiya imtahanlarında uğur qazanan və yüksək bal toplayan müəllimlərin nəticələri nəzərə alınmaqla direktor və direktor müavini olmaq üçün nəzərə alınacaq: "Bunun üçün direktorların işə götürülməsi ilə bağlı yeni yanaşma hazırlanır".