Tarix : 20-01-2020, 18:53 | Bölmə: siyaset, Sosial, cemiyyet

Aqil Məmmədov 20 Yanvar faciəsinin 30-cu ildönümündə Gəncə şəhəri 1500 ailəlik yeni qəsəbədə yerləşən Kəlbəcər şəhidlərinin abidə kompleksini ziyarət edib
Yeni Azərbaycan Partiyası tərəfindən 123 saylı Kəlbəcər Seçki Dairəsindən namizədliyi irəli sürülmüş Aqil Məmmədov 20 Yanvar faciəsinin 30-cu ildönümündə Gəncə şəhəri 1500 ailəlik yeni qəsəbədə yerləşən Kəlbəcər şəhidlərinin abidə kompleksini ziyarət etmiş, torpaqlarımızın azadlığı uğrunda şəhid olmuş həmvətənlərimizin xatirəsinə ucaldılmış abidənin üzərinə əklil və gül dəstələri qoymuşdur. Daha sonra 20 yanvar faciəsinin qurbanı olan Kəlbəcər rayon sakini şəhid Cabbarov Firuz Vəli oğlunun ailəsi ilə görüşmüşdür.Görüş zamanı torpaqlarımızını ərazi bütövlüyü uğrunda şəhid olmuş soydaşlarımızın ruhuna dualar oxunmuşdur. Şəhidin atası Cabbarov Vəli İsmayıl oğlu 123 saylı Kəlbəcər Seçki Dairəsindən namizədliyi irəli sürülmüş Aqil Məmmədovun onlarla görüşünü dövlətimizin və xalqımızın şəhidə və şəhid ailələrinə göstərdiyi yüksək qiymət kimi dəyərləndirmişdir. Daha sonra çay süfrəsi arxasında fikir mübadiləsi aparılmışdır.

Fərid Faiqoğlu

Oxşar xəbərlər