Rusiya prezidenti Vladimir Putin Azərbaycan, Tacikistan və Özbəkistana səfər edəcək.

Oxu.Az-ın xəbərinə görə, bunu “İzvestiya” qəzetinə Rusiya prezidentinin beynəlxalq işlər üzrə köməkçisi Yuri Uşakov deyib.

Onun sözlərinə görə, səfərlər cari ilin sentyabr və oktyabr aylarında baş tutacaq.

Sentyabrın sonunda Vladimir Putin Azərbaycana səfər edəcək. Bundan əlavə, 27-28 sentyabr tarixində Rusiya prezidenti Tacikistanın paytaxtı Düşənbə şəhərində keçiriləcək MDB dövlətlərinin liderlərinin görüşünə qatılacaq. Oktyabr ayında isə Vladimir Putinin Özbəkistana səfəri nəzərdə tutulub.

Bundan əlavə, ilin sonuna qədər V.Putin Rusiya, İran və Azərbaycan prezidentlərinin görüşündə iştirak edəcək.