Azərbaycanda yerli əhəmiyyətli avtomobil yollarının sayı artıb.

Oxu.Az xəbər verir ki, Nazirlər Kabineti bununla bağlı “Azərbaycan Respublikasının yerli əhəmiyyətli avtomobil yollarının Siyahısı”nda müvafiq dəyişiklik edib.

Qərara əsasən "Azərbaycan Respublikasının yerli əhəmiyyətli avtomobil yollarının Siyahısı”nın “Siyəzən rayonu” bölməsinə 19-cu hissə əlavə olunub və uzunluğu 15 km olan Siyəzən – Məşrif yolu yerli əhəmiyyətli avtomobil yollarının siyahısına daxil edilib.

Bununla, Siyəsən rayonu üzrə yerli əhəmiyyətli avtomobil yollarının 181 kilometrə çatdırılıb.

Xatırladaq ki, 2015-ci ilin avqust ayında prezident İlham Əliyev Siyəzən rayonun 20 yaşayış məntəqəsini birləşdirən Siyəzən-Məşrif avtomobil yolunun açılışında iştirak edib.

Memur.az