Daha bir jurnalist seçkilərə qatılır » Memur.az

Daha bir jurnalist seçkilərə qatılır

Daha bir jurnalist seçkilərə qatılır

Peyman Sadıqov gücünü 46 saylı Şirvan Şəhər Seçki Dairəsindən sınayacaq

Tanınmış jurnalist, "Xalqxeber.Az” İnformasiya Agentliyinin baş redaktoru Peyman Sadıqov seçkilərə qatılmaq qərarı verib. JAM.AZ-a verdiyi açıqlamasında baş redaktor bildirib ki, o, gücünü 46 saylı Şirvan Şəhər Seçki Dairəsindən sınayacaq.

Onun sözlərinə görə, Şirvan şəhər əhalisinin bir qismi jurnalistin namizədliyinin irəli sürülməsi barədə təşəbbüsü ondan xahiş ediblər. Peyman Sadıqov açıqlamasında deyib ki, Şirvanlıların onu deputat görmək istəyib-istəməməsi onun üçün həddindən artıq vacibdir. «Çünki daim Şirvanda sosial problemlərlə maraqlanmışam və çatışmamazlıqların aradan qaldırılması istiqamətində əlimdən gələni əsirgəməmişəm. Şirvanda şəhid ailələrinin, Qarabağ əlillərinin xüsusəndə məcburi köçkünlərin bütün çətinliklərində yanında olmaqla yanaşı onların sosial problemlərinin həll olunmasına köməklik göstərmişəm».

Peyman Sadıqov həm bir jurnalist, yazar, həm də vətəndaş kimi namizədliyini irəli sürəcək dairənin sosial problemlərindən xəbərdar olduğunu deyir: "İndiyə qədər xalqıma, dövlətimə xidmət eləmişəm. Çalışmışam ki, hamının işinə yarayım. Deputat seçilsəm xalqa, seçicilərimə xidmət göstərmək üçün daha çox səlahiyyətim olacaq”.