Nazir bahalaşmanın səbəblərini izah etdi » Memur.az

Nazir bahalaşmanın səbəblərini izah etdi

Nazir bahalaşmanın səbəblərini izah etdiMaliyyə naziri Samir Şərifov jurnalistlərə açıqlamasında Azərbaycanda elektrik enerjisinin, təbii qaz tariflərinin və bəzi məhsulların bahalaşmasından danışıb.

Oxu.Az-ın məlumatına əsasən, Samir Şərifov deyib ki, dünyada qiymətlərin dəyişməməsinə heç kim zəmanət verə bilməz.

“Bilirsiniz ki, Azərbaycana bəzi məhsullar xaricdən gətirilir. Bunların qiymətinə Azərbaycan hökuməti hansısa formada təsir edə bilirmi? Xeyr! Azərbaycana kommunal sahəyə aid olan idxal məhsulları var. Bu isə istər-istəməz maya dəyərinin formalaşmasına təsir edir. Maya dəyəri bahalaşırsa, məhsulu satan şirkət də bunu satdığı məhsulun qiymətində əks etdirir”, - deyə nazir əlavə edib.

Samir Şərifov dünya bazarlarında neftin qiymətinin bahalaşması fonunda Azərbaycandakı bahalaşmanın səbəblərini də izah edib:

“İlkin mərhələdə neftin qiyməti aşağı səviyyədə tutulmuşdu. Ona görə də neft ucuzlaşanda biz tarifləri aşağı salmırdıq. Hazırda bizdəki qiymətlər dünyadakı qiymətlərdən kifayət qədər aşağıdır. Təbii qazın qiyməti baxın görün ki, dünyada hansı səviyyədədir, bizdə hansı səviyyədə”, - deyə Samir Şərifov bildirib.