Tarix : 21-11-2021, 12:23 | Bölmə: idman

Azərbaycan gimnastı bu gün dünya çempionatının finalında mübarizə aparacaqBu gün Bakıda keçirilən batut gimnastikası üzrə dünya çempionatına yekun vurulacaq.

Çempionatın sonuncu günündə kişi və qadın batutçular final mərhələsində güclərini sınayacaqlar. Eləcə də qadınlar arasında ikili mini-batut üzrə yarışda mükafatçılar bəlli olacaq.

Azərbaycan tamblinqçisi Mixail Malkin də finalda mübarizə aparacaq. Kişilərin yarışında M.Malkin ilə yanaşı, finalda Rusiya Gimnastika Federasiyasının nümayəndələri Aleksandr Lisitsin, Vadim Afanasev, ABŞ təmsilçisi Kaden Braun, Böyük Britaniya gimnastları Uilliam Koven, Kristof Uilerton, danimarkalı Martin Abildqaard və Adam Matthiesen çıxış edəcəklər.

Dünya çempionatına komanda hesabında çoxnövçülük yarışları ilə yekun vurulacaq.

Xatırladaq ki, dünya çempionatında 33 ölkədən 300-dək gimnast iştirak edir.

Oxşar xəbərlər