FİFA prezidentliyinə namizəd olan şeyxə qarşı İTTİHAM
idman
31-10-2015, 13:11
687
FİFA prezidentliyinə namizədlərdən biri, 49 yaşlı bəhreynli şeyx Salman bin İbrahim Əl-Həlifə idmançıları liberal baxışlarına görə təqib etməkdə günahlandırılır.
APA-nın "İnterfaks" agentliyinə istinadən verdiyi məlumata görə, bu barədə "L'Equipe" qəzeti yazıb.
İddialara görə, 2011-ci ildə Bəhreyn Futbol Federasiyasının prezidenti vəzifəsində olarkən şeyxin təşəbbüsü ilə bir neçə idmançı barəsində uydurma cinayət işi açılıb. Əl-Həlifə, öz növbəsində, ona qarşı irəli sürülən bütün ittihamları rədd edib.
Qeyd edək ki, şeyx 2013-cü ildən etibarən Asiya futbol konfederasiyasının prezidenti, eyni zamanda FİFA-nın vitse-prezidentidir.
Xatırladaq ki, FİFA prezidenti postuna seçkilər 2016-cı il, fevralın 26-da keçiriləcək. Ali futbol qurumunun prezidentliyinə 7 nəfərin namizədliyi artıq təsdiqlənib.