"Bjarke Ingels Group” kompaniyası Malayziyanın paytaxtı Kuala-Lumpurda tikiləcək qeyri-adi göydələnin layihəsini hazırlayıb.
Axşam.az-ın xarici KİV-ə istinadən məlumatına görə, göydələn standart memarlıq qanunlarına uyğun deyil, başı aşağı tikiləcək.

Layihəyə görə, binanın mərtəbələrinin sahəsi yuxarı qalxdıqca daha da genişlənir, bununla da göydələn ərazi baxımından az yer tutur.

Hündürlüyü 360 metr olan binanın üstündə otel tikilməsi nəzərdə tutulub. Binanın tikintisində ikiqat fasaddan istifadə ediləcək və bu təbii havalandırma sisteminin yaradılmasına gətirib çıxaracaq.