Azərbaycanda bu şəxslərə 75 faiz vergi güzəşti olacaq - RƏSMİ » Memur.az

Azərbaycanda bu şəxslərə 75 faiz vergi güzəşti olacaq - RƏSMİ

Azərbaycanda bu şəxslərə 75 faiz vergi güzəşti olacaq - RƏSMİKoronavirus pandemiyasının təsirinə məruz qalan fəaliyyət sahələrinin əmlak və torpaq vergisindən azad olunması ilə yanaşı, həmin sahələrdə fəaliyyət göstərən vergi ödəyicilərinə seçdikləri vergitutuma metodundan asılı olaraq, 2020-ci il 1 yanvardan etibarən bir il müddətinə bir sıra vergi güzəştlərinin verilməsi nəzərdə tutulur.

Memur.Az-ın məlumatına görə, bu barədə İqtisadiyyat Nazirliyi tərəfindən pandemiyadan zərər çəkmiş sahələrdə fəaliyyət göstərən sahibkarlıq subyektlərinə (o cümlədən, kiçik və orta sahibkarlığa) vergi güzəştlərinin və tətillərinin verilməsi ilə bağlı vergi və sosial qanunvericiliyə ediləcək əsas dəyişikliklərlə bağlı hazırlanan layihədə qeyd edilib.

Sənəddə bildirilib ki, mənfəət (gəlir) vergisi rejimində fəaliyyət göstərən ödəyicilər üzrə əldə edilən mənfəətin (gəlirin) 75 faizi miqdarında vergi güzəştlərinin verilməsi nəzərdə tutulur.

Sadələşdirilmiş verginin ödəyicisi olan ictimai iaşə və sərnişin daşımaları fəaliyyəti həyata keçirən vergi ödəyicilərinə sadələşdirilmiş vergi məbləği üzrə 50 faiz güzəşt verilməsi nəzərdə tutulur.
Sahə üzrə vergi dərəcəsi və məbləği

Hazırda

Təklif edilir

İctimai iaşə sektoru

8 faiz

4 faiz

Sərnişindaşıma (taksi istisna) - hər oturacağa görə*

1,8 AZN

0,9 AZN

Sərnişindaşıma (taksi) - hər nəqliyyat vasitəsi üçün*

9 AZN

4,5 AZ

Fəaliyyət ərazisindən asılı olaraq əmsallar tətbiq edilir.