Bakıda 5 yerdə yerüstü piyada keçidi tikiləcək » Memur.az

Bakıda 5 yerdə yerüstü piyada keçidi tikiləcək

Bakıda 5 yerdə yerüstü piyada keçidi tikiləcəkBakı şəhərində bir neçə yerdə yerüstü piyada keçidi inşa olunacaq.

“Azəravtoyol” ASC-nin mətbuat xidmətindən verilən məlumata görə, metal və dəmir-beton konstruksiyalı keçidlər avtonəqliyyat vasitələrinin və piyadaların intensiv hərəkət etdiyi ərazilərdə inşa ediləcək. Məqsəd həm piyadaların rahat və təhlükəsiz şəraitdə avtomobil yollarını keçməsini təmin etmək, həm də avtonəqliyyat vasitələrinin fasiləsiz və maneəsiz hərəkətini təşkil etməkdir.Bakıda 5 yerdə yerüstü piyada keçidi tikiləcəkİlkin olaraq 7 bu cür yerdə keçidlərin inşa olunması üçün hazırlıq işləri görülür. Bu aşağıdakı ərazilərdir:

Bakı-Quba-Rusiya Federasiyası ilə dövlət sərhədi avtomobil yolunun 12-ci km-i (Xırdalan qəbirstanlığının yaxınlığı), 27 və 27,8-ci km-i (Ceyranbatan qəsəbəsi);

Bakı-Şamaxı-Yevlax avtomobil yolunun 13-cü km-i (Sulutəpə qəsəbəsi);

Qala-Pirallahı avtomobil yolunun 3,5-ci km-i;

Zabrat-Maştağa avtomobil yolunun “Sabunçu körpüsü”ndən düşən hissəsi;

Həsən Əliyev küçəsinin İqtisad Universitetinin korpusunun qarşısındakı ərazisi.Bakıda 5 yerdə yerüstü piyada keçidi tikiləcəkCeyranbatan qəsəbəsi ərazisində inşa olunacaq yerüstü piyada keçidləri 2 aşırımlı (orta dayaqlı), dəmir-beton konstruksiyalı və üstü bağlı olacaq. Keçidlər fiziki qüsurlu insanların hərəkəti üçün liftlərlə təmin olunacaq.

“Xırdalan qəbirstanlığı” yaxınlığında, Sulutəpə qəsəbəsində və Qala-Pirallahı avtomobil yolunda inşa olunacaq keçidlər isə 1 aşırımlı (orta dayaqsız), metal konstruksiyalı və üstü açıq olacaq. Fiziki qüsurli insanların hərəkəti üçün bu keçidlər panduslarla təchiz olunacaqlar.

“Sabunçu körpüsü”ndən Zabrat qəsəbəsinə doğru düşərkən və Həsən Əliyev küçəsində tikintisi nəzərdə tutulan yerüstü piyada keçidləri də metal konstruksiyalı olacaq. Keçidlər 2 aşırımlı (orta dayaqlı) və üstü bağlı olacaq. Burda isə fiziki qüsurli insanların hərəkəti üçün xüsusi platformalar (elevator) quraşdırılacaq.

Yaxın zamanlarda zəruri olan digər ərazilərdə də yüngül konstruksiyadan ibarət yerüstü piyada keçidlərinin inşaası nəzərdə tutulub.

Memur.az
Bakıda 5 yerdə yerüstü piyada keçidi tikiləcək
Bakıda 5 yerdə yerüstü piyada keçidi tikiləcək